Lekceja “Školys Nautrānu kulturtelpā. Iļžukolna apleicīne”

Augustā aizasuoce lekceju cyklys “Izzynoj Nautrānu kulturtelpu”. Ūtrajā lekcejā “Školys Nautrānu kulturtelpā. Iļžukolna apleicīne” Anna Višķere viesteis par školom, tūs viesturi, školuotuojim i vysaidim faktim Iļžukolna apleicīnē.

Aicynojam lekcejis apmaklātuojus jimt leidza fotokartenis i pasadaleit ar sovim stuostim i atmiņom, kab kūpā varātu papyldynuot asūšū informaceju.

Lekceju cyklys nūteik ar Vaļsts kulturkapitala fonda mierkprogramys “Nacionalajā Namaterialuo kulturys montuojuma sarokstā īkļautūs elementu ilgtspiejis i atteisteibys programa” finansialu atbolstu. Projektu “Nautrānu kulturtelpys styprynuošona” realizej bīdreiba “Nautrānu kulturtelpai”.